انا كتير - نظرية ختم مدام عفاف

EGCG DOCKING.pdbqt#انا_كتير(نظرية ختم مدام عفاف)

مشهد مبدئي من فيلم خيال علمي

 - محمد ! ..لازم تهرب من عندك حالا ..طلع الي بيعمل الكوارث دي المستنسخ بتاعك ..لازم تهرب حالا لانه جي دلوقتي 

..محمد .

.محمد

 تشويش (صوت المستنسخ) انا عارف انك مش هتقبل وجود نسخه طبق الاصل منك في العالم ..انا كمان بردو مش هقبل حاجه زي كدة عشان كدة لازم واحد مننا بس هو الي يعيش ..ههه مع السلامه يا ..محمد ..ههههههه

 -- بغض النظر عن الفيلم الاجنبي الي لسه مشغلينو من شويه ده في اول حلقة من برنامجي حابب اتعرض لفرع من فروع علم الوراثه او ال biotechnology وترجمتها الحرفيه هي التكنلوجيا الحيويه فكرة البيوتكلنوجي باختصار انك عاوز تستخدم كائن ولو هنفترض انه هيكون البكتريا مثلا المضاف ليها GENE لانتاج لانزيم الانسولين في انتاج منتج او الاستفاده بيها بشكل ما في مجالات زي الصناعه والزراعه والطب بشكل ما التكنلوجيا الحيويه هي صانع الالعاب دلوقتي علي مستوي تطبيقات علوم البيولوجيا وبيتم تطويرها واستخداهم التقنيات او الاساليب او الطرق الي فيها لمعالجه مشاكل كتير .. مثلا زي الهندسة الوراثيه ..زي الاستنساخ ..زي الكائنات المعدلة وراثيا ...المكافحة البيولوجيه ..وغيرها من الحاجات الي بتفيد الزراعه والطب والصناعه كتير زي الانسولين وزي الانزيمات نسيبنا بقي من المقدمة التي لا بد منها دي وندخل علي المفيد

مدام عفاف الموظفة بهيئة الاختام الحكوميه الصبح بدري طبلت منها تختملي ختم النسر علي ورق البطاقة الجديد عشان اعرف اروح بيه الكليه واخلص الاجرائات كل الي هي عملته انها مسكت الختامه وبم ان كان في 10 جمبي عندهم نفس الطلب ..مسكت الختامه وختمت بنفس ختم النسر علي ال10 اوراق وده معناه ان ختامه واحدة ..طبعتلي نفس الشكل علي 10 اوراق ..بصورة طبق الاصل وده الي نقدر نسميه استنسخت الختم الي في الختامه ل 10 اختام علي الاوراق دايما بحب في اي مشروع او اي محتوي اني اقدم المضمون في صورة اسئله واجوبه لان الموضوع كدة بيبقي مرتب ومنطقي اكتر لذلك عندي 5 اسئله هحاول اجاوب عنهم في الحلقة ما هو الاستنساخ ؟ كيف يحدث الاستنساخ ؟ اين ومتي ؟ لماذا الاستنساخ ولم لا ؟

1- تعالو الاول نعرف يعني اي انا بستنسخ حاجه اني استنسخ شيئ او كائن او Gene ده معناه اني بعمله copy - past بنفس كل حاجه فيه تقريبا زي مثلا لو انا عندي file علي الجهاز فيه 4 صور لونهم ازرق خدت الfile ده copy - past جمبه وبقي معايا 2 file في كل واحد فيهم 4 صور لونهم ازرق

2- الاستنساخ ليه نوعين . النوع الاول بيحصل علي مستوي الكائن وهنسميه تناسلي reproductive وده من اشهر امثلته dolly الي استنسخوها وكانت اول حاله حيوان مستنسخ وده بيحصل ب اني بجيب 2 cells 1- خليه جسديه somatic واخد الnuclease بتاعتها بس لازم تبقي في مرحله معينه من عمر الخليه الي هي g0 2- بجيب خليه جنسيه sexually واخرج منها النواه خالص 3- بحط ال2 في وسط ملائم فيه امصال ومواد مغذيه للخليه وبتحصل كل العمليه in vitro - في المختبر وبدخل النواه الجسديه جوا الخليه الجنسيه وبمرر تيار بينهم عشان اسمح بعمليه الانقسام والتضاعف انها تتم وبعدها ببتدي احقنها بشويه هرمونات محفزة واهيئ طبعا الرحم انه يستقبلها باكتر من شكل وفي الاخر بزرعها في قناة فالوب واسيبها تنقسم طبيعي وتكون الجنين

والنوع التاني بيحصل علي مستوي الgene وده لوحده ليه حكايه لان ناس كتير اتلغبطت بينه وبين الgenetic engineering وده لان الg e معناه اني بعدل في file الي فيه الصور ده عشان احسن من صفاته زي اني امسح صورة واحط مكانها صورة لونها احمر او اصفر مثلا انما cloning او الاستنساخ معناه اني بعمل copy -past للملف او الgene زي نفس فكرة الختم طيب لغايه هنا حلو جدا ونقدر نقول زي الفل بس ازاي ده بقدر اطبقة او استفاد منه ؟ اقدر اطبقة انه لو نجح اقدر اكتر بيه انواع حيوانات قربت تنقرض او اعيد بيه بشكل او اخر حيوانات منقرضة فعلا من انويه او من خلايا باقيه في حفرياتهم زي الماموث ما حاولو من سنتين انهم يرجعوه للحياه اقدر اكتر بيه سلالات نادرة او مرغوب فيها في النبات والحيوان التجارب دي اتعملت طبعا علي كائنات كتير بمختلف الاساليب ولاغراض مختلفة منها مثلا فصيله من فصائل القرود عشان يدرسو امكانيه حدوث ده علي البشر ومنها طبعا فصائل الابقار عشان ياكدو نظريتهم تجاه dolly وطبعا اقدر بيه اني احفظ genes كتيرة جدا من الاندثار واستخدم التقنيه دي في البحث العلمي بس عندنا بردو شويه مشاكل اولا المشكله القانونيه الاستنساخ بقي بيعتبر قانونيا مجرم في كل دول العالم - الا المعامل الي شغاله غير قانوني - واي حد بيحاول انه يعمل تجربه عليه بيتقبض عليه المشكله الدينيه جميع الاعراف الدينيه حرمت تجارب استنساخ البشر لاكتر من سبب منهم انك بتشوه البشر وبتفكك الاسرة وبتعمل خلل في النظام الاجتماعي وممكن تكتر معدلات الجريمه وغيرها وان كانت فيها تساهل ناحيه الجراثيم والنبات والحيوان ولكن لسه طبعا فيها مشكله لانك بتعذب الحيوان او بترهقه ده غير انك بتخالف الفطرة في التزاوج والاختلاف الي مبني عليه العالم مشكله علميه انك متعرفش هل حصل خلل في المحتوي كله قبل ما تنسخه لخليه تانيه او لا فطبيعي لو في خلل هياثر علي الكائن الجديد ده غير طبعا تكلفة ووقت التجربه نفسه هو الي مخلي الموضوع فعلا صعب علي ناحية الافلام بقي في اكتر من فيلم اتكلمو في الموضوع ده بدايه من The 6th Day island Jurassic park matrix بشكل غير مباشر وطبعا اتكلم عنها احمد مراد في روايه موسم صيد الغزلان وطبعا كم المسلسلات الي اتكلمت عن الموضوع ده والروايات لا يعد وكان اخر حاجه سمعتها بتتكلم عن الموضوع ده هي القصة التانيه من ثلاثيه بلاعوده كتابة Ahmad Mossad -- نرجع ل ازاي حصل للنعجه dolly استنساخ او اي تاريخ الاستنساخ نفسه ليها قبل استنساخ dolly حصل تجربتين علي الاستنساخ الاولي كانت في اسكتلندا في معهد روزلين وحصل انه استنسخ 2 موراغ وميغان وكان سبق الاستنساخ ده استنساخ حصل تحت ايد العالم كيث كامبل الي بيعتبر اب للعلم ده واستنسخ فعلا 4 محض صدفة لان التقني المكلف انه يعتني بالعينه نسي يضيف مصل مغذي فادي ان الخليه تتجوع وترجع تاني للg0

وبعد استنساخ دولي تم استنساخ مجموعه من الsheep - molly Jefferson- -Margaret Sheep -- لي الاستنساخ ولي لا ؟ الاستنساخ حاليا كتجارب علي البشر او حتي محاولة ده فهو محرم في العالم مش بس لانه بيفرض سطوته علي الانسان في انه هتكون نتايجه بشعه ولا بس عشان الطريقة الي هو بيعادي بيها الاختلاف بين الاجناس والانواع والاديان بل كمان لخطورته وتكلفته وان كان بيتم في اوروبا عموما بصورة غير شرعيه في (المعامل الصفراء تحت السلم ) انما كتجارب بتم علي الحيوانات فهو مش شائع اوي ولكن باغراض بحثيه بحته منها التجارب الاخيرة علي الماموث التجارب الاخيرة علي استنساخ القرود -- تاريخيا ولغايه دلوقتي اي الي ممكن يكون حالات موثقة - غير دوللي طبعا - عن الاستنساخ او نجحت فيه من الطرائف في الاستنساخ انه في 1885 عالم اسمه Spemann استنسخ حيوان السلمندر بانه فصل الجنين في مرحله الخليتين بشعرة فنمت كل خليه علي انها حيوان سلمندر كامل والاتنين كانو متشابهين اما عن الاستنساخ البشري فمكن في حالات موثقه لاستنساخ البشر في المعامل لغايه ما اعلنت شركة advanced cell technology انها قدرت تستنسخ جنين بعد 93 محاوله علي 93 بويضة والجنين قدر يعييش 30 ساعه بس بعد ما وصل لمرحلة الخلايا الثمانيه